الأحد 23 محرم 1441 هـ الموافق 22 أيلول 2019 م

المحبين - تشويش رقم ( 7 ) بقلم : خليل إبراهيم المتبولي

تاريخ الإضافة الجمعة 14 كانون الأول 2018 9:48 ص    عدد الزيارات 253    التعليقات 0

      

 

- في حل 

ما في حل 

- مبلى ، في ! 

لأ ، ما في !

- في إيجابية بالتعاطي 

في سلبية بالتعاطي !

- سلبية يللي تسلبَك سَلب ، خلصنا بقا 

أنّو منسمع بمشاورات ، وبأفكار ، وبطروحات ، وبتقديم حلول ، وبعدين ؟ 

- بعدين منوصل لنتيجة 

كيف ؟ وشو هيي هالنتيجة ؟ 

- نتيجة كبيرة وحلوة ، بتفرّح 

لأ ولوووه ! شو هالحكي هيدا ؟!

- إيه والله ، متل ما عم قلّك ، وما رح يصير إلّا متل ما هنّي بدهن 

مين هنّي ؟ 

- هنّي يللي بإيدُن الحل 

إيه عال ، الله يبشرك بالخير ، يعني أنتَ متفائل ؟

- لأ ، أبدًا ...

روح الله لا يوفقك ، على هالجواب 

- ( ينظر إليه مشدوهًا ومتعجبًا ) !!!!!! 

 

****************************************

 

- لمحبين كتار ؟

إيه كتير كتار ، خير شوفي هلأ ؟

- ولا شي ، بس سؤال ، ليك هنّي محبّين ،  بس متّفقين ؟ 

على شي ، وشي 

- شو يعني ؟ ما فهمت 

مثلًا ، بتفق معك على إيجار البيت ، بس ما بتفق معك شو ممكن أعمل بالبيت 

- شو ممكن تعمل ؟

يللي بتملي عليي قناعاتي 

- وقناعاتي ؟! 

شو خصني فيّا أنا 

- كل واحد مسؤول عن قناعاتو 

بس البيت إلي 

- إيه وأنا مستأجرو 

صح ، وأنت استأجرتوا على المحبة والإتفاق 

- على المحبة 100 % ، بس إتفاق مش كامل ، اتفقت معك على الإيجار بس 

يعني نحنا شو هلأ ؟

- نحنا محبّين ، بس مش متفقين بالكامل 

ممممممممم ( باستغراب ) 

 


التعليقات (0)

 » لا يوجد تعليقات.

أضف تعليق

الأسم: * البريد الإلكتروني:
تعليق: *
رمز الحماية: *  تحديث الصورة

* الخانات الضرورية.

 

 

   

        

  

 

  

 

 

 

 

 قريبا" مسرحية شو صار بالقطار 

في مركز معروف سعد الثقافي

 

  

      

 

      

 

 

    

      

 

 

 

 

 

  

  

    

    

   

        

        

               

     

    

         

   

           

 «  أيلول 2019  » 
MoTuWeThFrSaSu
 1
2345678
9101112131415
16171819202122
23242526272829
30 
إلى الأعلى

Designed and Developed by

Xenotic Web Development