مختارات من قصائد موريس عواد

الأحد 9 كانون الأول 2018 8:59 م     950     0

---

شو بدي اعمل

أنا قلبي معكم لا تخافوا

الشجرة البتكون كبيرة

منضل نلاقي فيها غصون مكسّرة

شو بدي أعمل قل لي 

شو بخلّي وشو ما بخلّي

و ان كان بدك صلّي لك

كل الصلاة رح صلّي

خليني فـرّخ ع سياجك زهرة برية

وبغيابك عربش ع دراجك كل الصيفية

ولما تتلاقى فيّ وتصرخ لي بوجهي فلّي

بدك تقشع عينيّ بتعرف اني عم صلّي

كل الصلاة رح صلّي

ع بابك ليش موقـّفني والباب مسكـّر

قرّب اصابيعك واقطفني عنقودي أشقر

دوق شوية ودوّقني وحبة لبكرا ما تخلّي

ولما ايدك تحرقني ما تقول لي روحي فلّي

كل الصلاة رح صلّي

===

قلعه كبيره

قلعة كبيرة وقلبها كبير وبساع الدنيي 

أشتقنا عليك كتير كتير 

وحلا نرجع لك حلا

سافرنا وبرمنا الكون 

ورحنا وجينا وبعدك هون 

ويا اللي أتعدوا على دارك 

اتحطم قلبهن ع حجارك 

وانت تشعي فوق الناس 

وارضك حارسها الله

===

التعليقات (0)

 » لا يوجد تعليقات.

أضف تعليق

الأسم: *	البريد الإلكتروني:
تعليق: *
رمز الحماية: *

* الخانات الضرورية.

إضغط هنا